2009-1987= 4

හරී... ඔන්න කොහොම කොහොම හරි 1987 අවුරුද්දේ ඉපදිලා හා හා පුරා කියලා මට අවුරුදු හතර ලැබුවා.. දැන් ඉතිං කෑ ගහන්න එපා 1987 ඉදන් 2009 වෙනකොට වෙනකනුත් අවුරුදු 4 ද පහුවුනේ කියලා.. මට කියන්න තියෙන්නේ ඔව් කියලා තමයි ඉතිං... ඒක වෙන්නේ මෙහෙමායි.... 2009- 1987 = (22) = 2+2 = 4 :D ගණිතක්‍රම යකාට ගියාදෙන් මට අවුරුදු හතරයි.. ඉහික්..!

දැන් ඉතිං හිත යටින් බනින්න එපා මේකිට මෝල් කියලා.. ඇත්තටම ටිකක් මොන්ගල් උනාට මට එහෙමට පිස්සුවක් නෑ වැඩිය... ඇත්තම කථාව මේකයි... මට කොච්චර වයසට ගියත් කමක් නෑ.. කොණ්ඩේ සුදු වෙලා හම රැලි වැටිලා දත් හැලිලා ගියත් කමක් නෑ (එහෙම වෙනකං ජිවත් නොවෙන එක වෙනම කථාවක්) අහන අයට දැන් මට අවුරුදු 30,40,50 කියන එකත් ප්‍රශ්ණයක් නෑ.. ඒත් මම අකමැති එක දෙයක් තියනවා.. ඒ තමයි වැඩිහිටි ලෝකයේ ලොක්කෙක් වෙන එක.. එහෙමත් නැත්තම් මේ අපි ගැටෙන සමාජේ වැඩිහිටියෝ වෙන එක..

එහෙම අකමැති වෙන හේතු ගොඩක් තියනවා.. මුලිකම හේතුව තමයි මම මේ සමාජෙට කැමති නෑ.. මිනිස්සු ජිවත් වෙන විදියට කැමති නෑ... මිනිස්සු හිතන විදියට කැමති නෑ.. මම දන්න ළමා ලොකේ මේ ලොකු මිනිස්සුන්ගේ ලොකෙට වඩා නිදහස්, සරළයි,ලස්සනයි.. මම ‍ඒ ලොකෙට කැමතියි.. ‍මේ මැතක් වෙනකම්ම බොහෝ දේවල් වලදි මාව ගණන් ගැනුනේ ළ‍මයෙක් විදියට ඉතිං මට මුහුණ දෙන්න වුනු ප්‍රශ්ණ සීමිතයි.. නමුත් දැන් දැන් ඒ තත්වේ වෙනස් වෙනවා.. සමාජය මාව කොටුවකට හිර කරන්න හදනවා.. ඔයා දැන් පොඩි එකෙක් නෙවෙයි ඔය ව‍ගේ වැඩ කරන්න එපා.. ඔයිට වඩා වගකීමෙන් වැඩ කරන්න.. ඔයා ඔවට පුරුදු වෙන්න ඕනි.. ඔය වගේ බක පණ්ඩිත කථා වලට මම කැමති නෑ.. මම ආසයි ලොකු කෙනෙක් විදියට හිතලා පොඩි එකෙක් විදියට ජීවත් වෙන්න.. ඒත් මගේ හිත අනිත් අයට පෙන්නේ නැහැනේ.. ඉතිං කරන වැඩ වලින් මම අනිත් අයට වඩා වෙනස් වුනු ගමන් හිතන්නේ මට මොකුත් බෑ.. මේ සමාජේ මං පරාදයි කියලා.. මහ වදයක්!දැන් කාලේ හය හතර තේරෙන්න කලින් ඉදන්ම පොඩි එව්වෝ පවා හිතන්නේ ලොකු මිනිස්සු වගේ.. ඉතිං මහ එව්වෝ ගැන කවර කථාද...

පුංචි ලමයිට ආගමක් ගැන හැගීමක් නෑ.. ජාතියක් ගැන හැගීමක් නෑ..සංස්කෘති.. සදාචාර..හරි වැරදි.. අපරාධකාරයෝ.. වංචනිකයෝ.. ස්ත්‍රී දුෂකයෝ...ගණිකාවෝ.. අරුන් ‍මුන් මොකුත් නෑ.. තමන් එක්ක සෙල්ලම් කරනවා නම් යාළුවා.. නැත්තං ගානක් නෑ අනිත් අය සේරම අනේ මන්දා කට්ටිය.. ඒ අය හිටියත් එකයි නැතත් එකයි.. හරි සරළයි..දැන් ඉතිං මොනවා ලිව්වත්..මොනවා කිව්වත් ලේන්සු පෙගෙනකම් ඇඩුවත් තේරුමක් නෑ... හෙට ඉදං අවුරුද්දක් ගෙවෙනකම් අවුරුදු 22 කෙල්ලක් විදියට හිතන්නවා වැඩ කරනවා කියලා අඩුම තරමේ අනිත් අයට පේන්නවත් ඉන්න වෙනවා.. අලේ ඉතිං මොලා කලල්ලද? ඕම තමා ජීවිතේ... හික් හික් තමා අන්තිමට....

අහ් ඉවර කරන්න කලින්.. එළකිරි එකේ.. අවකාශේ.. ෆේස් බුක්.. යාහූ.. ජීටෝක් ඒවා මේවා සේරම හරහා මට ‍සුභ පතපු හැම දෙනාටම තැන්ක්යූ වෙරි මච්.....!