![](https://blogger.googleusercontent.com/img/b/R29vZ2xl/AVvXsEhTPdKZqhG4rHSN5IbqZ07DtwsB0E-5l-7mOkKLmsD-_WJX-HmLKMfCwRIz-X-7k1Z4PvZ_d-5LCms849qT-8hEbZQDJ35xhl46qlg5X-likYeqijD9AOHe99tUSAe_6URAmkVgwcP-nLo/s200/scary-girl-pink.gif)
ඕන්න එක්කෙනෙක් අද වැඩපල එහෙම ඉවර කරලා යාහූ එකට වෙලා යාළුවෙක් එක්ක හරබර සාකච්ජාවක්ලු..
එකපාරටම වෙලාව බලද්දි 4.45ත් වෙලාලු 4.15ට ගෙදර යන්න කලින් කෝල් කරන්නම් කිව්ව කෙනාගෙන් කෝල් එකක්වත් නැති හින්දා ඒ මනුස්සයටත් හිතින් බැන බැන ටාං ටෝං ගාලා යාහූ යාළුවට බායි කියලා වෙනදා විදියට නැතුව කොම්පියුටරේ ස්විච් වලින් කෙලින්ම ඕෆ් කරලා දත කට මැදගෙන මූණ හෙම හොදලා සුරුස් ගාලා යතුරුත් බාර දීලා පාරට ආවලු...අව්වත් වැඩිය සැර නැති හින්දා ඉරටත් ඔරව ඔරව දාඩිය පිහ පිහ ළග තිබ්බ ෆුඩ් සිටියටත් ගිහිං ඕන කරන ලටපට ටිකක් අරන් දැන් බස් එකට නගින්න හෝල්ට් එකටත් ආවලූ... දැන් ඉතිං 5 ත් පහුවෙලානේ... ඉතිං අර දෙනවා කිව්ව කෝල් එකත් නැති හින්දා බස් එකක් එනකම් කරන්නම්කෝ හොද වැඩක් කියලා මොබයිල් එක අරන් ගත්තාලු කෝල් එකක්...!
"හෙලෝ! කොහොද ඉන්නේ?"
"ඔෆිස් එකෙනේ.. ඇයි..?"
"ඔෆිස් එකේ? ඇයි ගෙදර යන්නේ නැද්ද?"
"දැන්ම?"
"නැත්තං... දැන් වෙලාව කීයද?"
"දැන් තුනට විතර ඇතිනේ..."
"විකාරද?"
"ඔව් ඇයි නැද්ද? ඉන්න බලන්න මේකේ වෙලාව වැරදිද දන්නේ නැහැ..."
"හ්ම්.. බලලා ඉන්නකෝ..."
"තුනයි දහයයි තමයිනේ වෙලාව ... ඇයි ඔයා කොහෙද ඉන්නේ..??"
"ඈ.........! හයියෝ.... නෑ දැන් වෙලාව පහයි නෙවෙයිද?"
" පිස්සුද අනේ.. හික් හික් හික්....."
":(( මම ගෙදර යන්න ඔෆිස් එකෙන් ආවානේ...අනේ දැන් මොකෝ කරන්නේ... අනේ දැන් මං ඔෆිස් එකට කෝල් ආවොත්..මොනා හරි වැඩක් ආවොත්..අනේ...!
...........................................
__________________________________________________________
හැමෝම මතක තියා ගන්න ඔන්න ඔහොමයි කට්ටිය කලින් ගෙදර යන්නේ.. මේක වුනේ කාටද කියලා ඉතිං දන්නෝ දනිති.. නොදන්නෝ නොදැනම සිටිති.. :p
කථාවේ පණිවිඩය :- ඔබේ ඇස් එකවරම විශ්වාස නොකරන්න එය ඔබ මුලා කරනවා විය හැක.