මට හිතක් නැත...!

උපන්දා සිට මම
මට බොහෝ දේ කර දී ඇති
ඔහුට ලොකු හිතක් ඇත
වචනයකින් වත් මම
ඒ හිත රිදවිය යුතු නැත..

ඇයට හිතක් ඇත
මා වෙනුවෙන් පැතුම් සහසක්
ඒ හිතේ පිරී ඇත
බැල්මකින් වත් මම
ඒ හිත රිදවිය යුතු නැත..

ඔහුටද හිතක් ඇත
50% ප්‍රතිශතයට එය
මා සමග බෙදෙනු ඇත
එම නිසා ඒ හිත
මා අබැටක් තරම් වත්
රිදවන්න හොද නැත..

සමාජය යැයි එකක් ඇත
හිත් බොහෝ එහි ඇත
මට හරියන තුරු හෝ වරදින තුරු
ඒ හිත් බලා හිදිනු ඇත
එම නිසා මා වැඩ කල යුතුවන්නේ
ඒ හිත්ද නොරිදෙන ලෙසිනි..

මට මම නම් කෙනෙක් ඇත
රිදවනවා දැනෙන්නැත
අඩුම ගානේ හැගීමක් වත් නැත
ඒ නිසා හැමෝටම මට රිදවිය හැක
කොනිත්තා මදි වගේ නම්
කිනිස්සක් ගෙන ඇණ
පලා හද බැලිය හැක
මට හිතක් නැත‍‍..හදවතක් නැත..
ඒ නිසා මට දැනෙන්නේ නැත
දවසක මමත් නැති තැන
මට රිදෙව්වාට කම් නැත..!

you know it's love
when all you want is
that person to be happy;
even if you're not
part of their happiness :D

මලී 28/06/09

ප.ලි- මෙය කාව්‍යාත්මකව මසිතේ ඇති වුනු සිතුවිල්ලක් පමණක් වන අතර ඒ හැර වෙනත් කිසිදු පුද්ගලික හෝ වෙනත් අත්දැකීමක් මත පදනම් වී නොමැත.! එම නිසා මෙය කියවන කිසි කෙනෙකු ඒ පිළිබදව වැඩිදුර සිතිය යුතු ‍නැති අතර.. මා පිළිබදව වැ‍රදි වැටහීම් ඇති කර ගත යුතු නැත.! :p තවද ඉහත දැක්වෙන ඉංග්‍රීසි පාඨය මා විසින් නිර්මාණය කරන ලද්දක් නොවන බව කරුණාවෙන් සලකන්න.. එය මෙහි යොදා ඇත්තේ මෙතෙක් මා දැක ඇති ආදරය පිළිබද ප්‍රකාශ වලින් වැඩියෙන්ම සිත් ගත් ප්‍රකාශය එය බැවිනි.! :-)

ඡායාරූප අනුග්‍රහය- Ek DarkZone