Friday, April 24, 2009

කොපිවර්තන - පරිවර්තන - සුදූ හා මම

සුදූ කියන්නේ අපේ තාත්තාගේ යාළුවෙක් ගේ දුවෙක්. දැනට ඉගන ගන්නේ එක වසරේ. එයා තමයි මම දැනට ආශ්‍රය කරන ‍පුංචිම මිනිස් ප්‍රාණියා. ඒ වගේම තියන කම්මැලි කමට නොලියා ඉන්න ඒත් ලියන්න හොද මාතෘකා කීපයකටම බිජුවට දුන්න පොඩි එකා.. දැන් එයා ගැන නෙවෙයි මම කියන්න යන්නේ. ඒත් එයා නිසා මට මතක තිබ්බ දෙයක් ගැන. පටන් ගැන්ම මෙහෙමයි.
මීට අවුරුදු එකහාමාරකට විතර කලින් දවසක් මං කාමරේ ඉන්න කොට සුදූ ආවා.. ඒ වෙලාවේ පරිගණකෙන් ඒවා මේවා බල බල ඉදලා සුදුට අහම්බෙන් මං ගාව තිබ්බ මෙන්න මේ සිංදුව බලන්න දුන්නා (මං හිතන්නේ එදා මං බල බල ඉන්නකොට එයා එන්න ඇති කොහොමද එයාට බලන්න ලැබුනේ කියලා මට මතක නෑ. )



එදා ඉදන් එ‍යා එන හැමදාකම මට කොයි තරම් වැඩ තිබ්බත් එයාට මේ සිංදුව බලන්නම ඕනි. සිංදුවේ කියන වචන තේරෙන්නේ නැති එකේ මං හිතන්නේ එයා බලන්නේ ඒකේ රූප වෙන්න ඕනි. සිංහල සිංදු පෙන්නුවට හරි යන්නේත් නෑ.. පබා ඉන්න මතක මන්දිර එකයි තව මොකක්ද මන්දා එකකුයි විතරයි අනිත් කිසි එකක් බලන්නේත් නැහැ. දෙවනි දවසේ මට එයා සිංදුව මතක් කරලා දුන්නේ එයාගේම ඇහැ අතින් පිහිදලා මේ සිංදුව බලන්න ඕනි කියලයි. දැන් මේ කොරියන් සිංදුවට කියන්නේ ඇහැ පිච්චෙන සිංදුව කියලයි. කෙනෙක්ට දෙතුන් වතාවක් බලද්දි දෙයක් එපා වෙනවා වුනාට ගතවුනු අවුරුද්දටත් වැඩි කාලය පුරහම එයා එන හැම දාකම සිංදුව බලනවා. එක දවසකට දෙතුන් පාර බලන වෙලාවලුත් තියනවා. ඉතිං එයාට එපා වෙන්නේ නැති වුනාට මට එපා වෙලා හින්දා මං කරන්නේ එයා ළග ඉදගෙන පොතක් බලන එක.

දැන් වර්තමානෙට එමු

----------

ඊයේ හවස ගෙදර ගිහිං අම්මා එක්ක පොඩි කතාවක් දාගෙන තේක බොන කොට ටීවි එකත් එහෙන් මෙහෙන් පෙනුනා. ඒ වෙලාවේ ස්වර්ණවාහිනී එකේ මොකක්ද මන්දා සංගීත වැඩ සටහනක් යමින් තිබුනේ.එක පාරටම දැකලා පුරුදු දසුන් පෙලක් ආව නිසා බලන් හිටියා මේ‍‍‍.....



දැක්ක ගමන් මට දැනුනා මේක මොකක්ද කියලා. මං අම්මාට කිව්වා මේ සුදු ගේ ඇහැ පිච්චෙන සිංදුවනේ කියලා. දර්ශණ ටික එන්න කලින්ම ඊළගට එන්නේ මොකක්ද කියන්න මට පුළුවන් වුනා. හැබැයි මගදි සිංදුව නතර වුනා. ඒ වෙලේ ඉදං මට හිතුනේ අපේ නිර්මාණ කුසලතා ගැන. අම්මා මට කිව්වා මේ දවස් වල ඉතාම ජනප්‍රිය රම්බාරි සිංදුවත් එයා දෙමළ චිත්‍රපටයකදි ඇහුවා කියලා (දෙමළ ගීතය). ඒත් ඒක මම දැක්කේ නැති හින්දා මං ඒ ගැන කියන්න යන්නේ නැහැ..


‍ඒවෙලාවේ අම්මා කිව්ව දෙයක් මට මතක් වෙනවා. අපේ ලංකාවේ අයගෙන් ඇහුවොත් නම් කියයි.. අළුත් අදහසකට අනූව ‍සෑහෙන්න මහන්සි වෙලා තමයි මේ ට්‍රැක් එක කෙරුවේ. අපේ ක්‍රවුඩ් එක කැමති හැම වෙලේම අළුත් දේවලට නිසා අපි ගොඩක් වියදම් කරලා මහන්සි වෙලා අනං මනං කෝටියක් කියයි... හැබැයි ඇත්ත කථාව ඉතිං දන්නෝ දනිති තමානේ??


නිකමට හිතලා බලන්න.. අපේ රටේ අන්තර්ජාලය භාවිතා කරන අය ඉන්නේ 20%කටත් අඩුවෙන් ඒකෙනුත් විනෝදය ලබන්න සංගීත පැත්ත ගැන හොයන්නේ තවත් අඩුවෙන්. නමුත් රූපවාහිනියක් 50% කටත් වඩා ගෙවල් වල තියනවා. ඉතිං සැබෑ නිර්මාණය දකින්නේ කවුද? සැබෑ දකෂතාවය තියෙන්නේ කාටද කියලා දැනගන්නේ කවුද???


මේ ගැන දන්න කෙනෙක් මේ විෂුවල් එක කරපු අයගෙන් ඇහුවොත් නම් කියයි "ජාත්‍යන්තර නිර්මාණ අපේ රසිකයන්ට ලං කරවන්න" "උසස් රස වින්දයක් ලබා දෙන්න" "අපේ නිර්මාණ ජාත්‍යන්තර තලයට ගෙනියන්න"‍‍... දාහක් කථා කියයි.. නමුත් මේවායෙන් වෙන්නේ අංකුර නිර්මාණ කරුවන්ගේ නිර්මාණ ශක්තිය ලත් තැනම ලොප් වෙන එක නෙවෙයිද?



මේ ගැන කල්පනා කරද්දි මට හිතුනා. මේ ගැන නිකං කල්පනා කෙ‍රුවට මේ සිංදුවේ තියෙන්නේ කොරියන් ගීතයේ සිංහල පරිවර්තනයද දන්නේ නැහැ නේ කියලා. එහෙම බැලුවොත් පොත් පරිවර්තනය කරන එකත් කොපි කිරීමක් වෙනවානේ කියලා.. නමුත් එහෙම වෙන්නේ නැහැ නේ. නොතේරෙන භාෂාවකින් තියන පොතක් අපිට කියවන්න බැහැ. ඒ නිසා අනිවාර්යෙන්‍ම තේරෙන බාසාවකින් තියෙන්න ඕනි. ඒ නිසා පරිවර්තනය කිරීම පිනක්. නමුත් සංගීතය කියන්නේ විශ්ව භාෂාවක් එතනදි අපි ගීත රස විදින්නේ ගීතයේඅර්ථය හොයමින් නෙවෙයි. සංගීතය අනූව. ගීතයක විෂුවල් එකකදි හෝ චිත්‍රපටයක දිත් අපට භාෂාව අංක 1 වෙන්නේ නැහැ. මොකද රූප හරහා අපටතේරුම් ගත හැකි නිසා. ඒ නිසා චිත්‍රපට හෝ සිංදු වල රූප රාමු කොපි කිරීම කොයි තරම් සදාචාර සම්පන්නද නිර්මාණශීලි ද කියන්න මං දන්නේ නැහැ.


අන්තිමේ මට මෙහෙම හි‍තෙනවා. "මං හිතන්නේ අපේ රටේ මිනිස්සුන්ගේ ඇගවල් වල මොකක් හරි කොටසක් අඩුයි."!

15 comments:

  1. ඔන්න ආයිමත් මල් හතලිස් නමයාාාාාාායි!
    පට්ටම පට්ට හෑල්ල.

    ඔය කියන චීලිගේ සිංදුත් ඉතිං කොපි කැට් තමා, කලිං ලිපියක කසුන් කල්හාරගේ සිංදුවකට කියලා තිබ්බා එක්ක. දැන් එන ගොඩාක් 'ජනප්‍රිය' ඒවායේ ඔය ලක්ෂණම තමා ඉතිං. ඒ ගැන ඒ ඒ කෙනාට ඕනේම හෑල්ලක් කියන්න බැරියැ, අපේ අයත් ඒවා විශ්වාස කරනවා, එක්කෝ එකේ තියෙන එව්වාට, නැත්තං ඒ කෙනාගේ ජනප්‍රියත්වයට. ඇත්ත දැන ගත්තත් කතා කරන්නේ කියෙන් කි දෙනාද ඉතිං?

    සිංදු විතරද බං අක්කේ? ඇයි වැඩසටහන් වගේ එව්වා?

    කොරියන් සිදුව පට්ට ලස්සනයි. කොහෙන්ද ගත්තේ? මටත් සිංදුවක් රස විදින්න තේරැම අනිවාර්්‍ය නෑ.

    ReplyDelete
  2. මේක ඉතින් අතීතයේ ඉඳලම එන දෙයක් නේ. ඇත්තටම අපිට අපේම කියලා සිරා දෙයක් කරන්න බැරිද? ඉන්ඩකෝ මන් බාගයක් ගහල හදනවා සිරා සිංදුවක් රූපත් එක්කම

    ReplyDelete
  3. මේ චිලීගේ හැටිද කොහෙද මෙයාගෙම තවත් කොපියක් ගැන සුපුන් ලියලා තිබ්බ
    http://blog.sudaraka.com/?p=90

    ReplyDelete
  4. dan inna godak aya karanne salli tikak wisi karala monawa hari karanwa eka.. MOLE NE..SALLI WITHARAI.. :p

    ReplyDelete
  5. හෙහෙ..

    චිලිට බනින්න එපා, එයාගෙ සිංදුවක විෂුවල් "ඕම් ශාන්‍ති ඕම්" එකෙං කොපි කරල තිබුන.

    එහෙවු එකේ එයා මෙහෙම කරාම නරකද ? :-P

    පො.බ.සි (පො-ළොව බ-දාගෙන සි-නා)

    ReplyDelete
  6. මේක තමයි දැන් කොතනත් තියෙන සිම්පල් ම ප්ලෑන් එක. දැං ඉන්න අංකුර කලාකරුවො කියන්නෙ කොපි කරන අය තමයි. කොහෙන් හරි සංගීත ඛණ්ඩයක් අරන් ඒක වැවීම තමයි සින්දු හැදීමේ ලේසිම විධිය. අනිත් අතට දැන් මොනාද කොපි නොකරන්නේ. නොකරන දෙයක් නැති තරම්. ඒකෙදි මේ ඔරිජිනල් කොලිටිය හොයන අය ඇන්දෙනවා. ඔරිජිනල් කියල කොපි අහල අම්බානක් රස විඳල අන්තිමේ ඒක කොපියක් කියල දැනගත්තම දුක් වෙන්න වෙනවා.

    මේක බලන්නකෝ

    ReplyDelete
  7. හරිම දුකයි. මේක මගෙ ආසම සින්දුවක්. ඒක මෙහෙම අමු අමුවෙ හොරකම් කලාම ලොකු කනගාටුවක් දැනුනා.
    (මොනවා උනත් ඔයාගෙ සුදු ට ලස්සන දේවල් තේරුම් ගන්න පුලුවන් වගේ..)

    මේකයි මලී. මේව ඉවක් බවක් නැතිව ටී වී වල පෙන්වන්න තරම් අපේ මීඩියා ගැන දුකයි. මම දන්න තරමින් අවුරුද්දක වගේ කාලෙක ඉන්දන් මේ සින්දුව එම් ටී වී එකේ නිතරම යනවා. ඒක හරිම ජනප්‍රිය සින්දුවක්.
    ඉතින් අර කොපි කරපු කෙනා නොදන්නව උනාට මේ වීඩියො එක දකින ඔනෙ කෙනෙක් දැනගනිවි ඇත්ත.
    ඔයා මේක අපිට කියපු එකත් ලොකු දෙයක් නෙ...නැත්නම් තවත් කාලයක් මේ හරක් මේව ප්‍රමොට් කර කර ඉන්දිවි.

    ReplyDelete
  8. ඔයාට ස්තූතියි..මේවා ලිව්වට.. බලං යනකොට ඔක්කොම කොපිනේ තියෙන්නේ අපේ රටේ...

    ReplyDelete
  9. අනේ මන්දා කුමක් කියන්නද !??දුකයි !!!දැන් ඉතින් වෙන කුමක් කරන්නද?????........

    ReplyDelete
  10. ඕක මමත් බොහෝම කැමති සිංදුවක්. ගොඩක් කාලෙකට ඉස්සෙල්ලා බැලුවේ. පස්සේ මේ යකා ඒක කාලා තියෙනවා දැක්කම මට පැන්නාාාා මලාාාක් කොහොමද දන්නවද????

    හැබැයි මේකයි වැඩේ... සමහර විට ඔය මිරිස් කරල වත් දන්නැතුව ඇති ඕකේ ඔරිජිනල් එකක් තියෙනවා කියලා... විශුවල් එක කරපු කෙනා මිරිස් කරල මුරුංගා අත්තෙන් තියලා හොඳ ගානක් අරගෙන ඕක කරාද දන්නේ නෑ... කවුද ඕකේ තිර පිටපත ලියලා තියෙන්නේ...

    ReplyDelete
  11. මෙවා බෑලුවාම අහෝ ඛේදයකි .... කියනවා හෑරෙන්නට වෙන නම් කවර කතාද?

    ReplyDelete
  12. මාලිය මලේ පරණ විදේශීය සම්බන්දතා මතක් කරල පෙඩි පහේ දුකකුත් ආව.....ඕක එක්ක ගෙතිච්ච කථා ගොඩයි අප්ප..මුන් ඒක කාල...කමක් නෑ මෙන්න තේරුම
    Music video

    ~Translation (English)~
    I just can't understand the ways
    Of all the men and their mistakes
    You give them all your heart
    And then they rip it all away

    You told me how much you loved me
    And how our love was meant to be
    And I believed in you
    I thought that you would set me free

    (REFRAIN):
    You should've just told me the truth
    That I wasn't the girl for you
    Still, I didn't have a clue
    So my heart depended on you, whoa

    (CHORUS):
    Although I'll say I hate you now
    Though I'll shout and curse you out
    I'll always have love for you
    Because I am a girl

    Been told a man will leave you cold
    Get sick of you and bored
    I know that it's no lie
    I gave my all, still I just cry

    Never again will I be fooled
    To give my all when nothing's true
    I won't be played again
    But I will fall in love again

    (REFRAIN)

    (CHORUS)

    I loved you so
    Now you leave me in the cold
    How could this be
    I thought that you'd only love me

    Into the night
    I will pray that you're alright
    You hurt me so
    I just can't let you go

    You took advantage of my willingness
    To do anything for love
    Now I'm the only one in pain
    Will you please take it all away

    Never thought being born a girl
    How I can love you and be burned
    And now I will build a wall
    To never get torn again

    ReplyDelete
  13. මේක චිලී දැක්කොත් කියයි මම කොපි කලේ නෑ. කොරියන්කාරයෙක් මගෙන් කොපි කරලා කියල. :D

    ReplyDelete
  14. මීට අවුරුදු එකහාමාරකට විතර කලින් දවසක් මං කාමරේ ඉන්න කොට

    මට මීට හුඟක් කාලෙකට ඉස්සර (දැනට අවුරුදු දෙකකට වගේ කලින්) හම්බුනා ලස්සන video song එකක්
    ඔන්න ඒ පාරනම් මං දිනුම් හරිද?

    ReplyDelete